{"id":158,"date":"2020-08-18T16:23:17","date_gmt":"2020-08-18T16:23:17","guid":{"rendered":"http:\/\/birewegge.com\/?page_id=158"},"modified":"2022-01-31T12:48:52","modified_gmt":"2022-01-31T12:48:52","slug":"2016-2","status":"publish","type":"page","link":"https:\/\/birewegge.com\/?page_id=158","title":{"rendered":"2016"},"content":{"rendered":"\n
\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n<\/figure>\n\n\n\n

Sin mir vo alle guete Gaischter verloo?<\/strong><\/p>\n\n\n\n

Spoot in der Nacht, der Haiggi isch am Dichte
Bi Wienachtsgutzi, Kerzeliecht und Wyy.
Er iberleegt, vo was \u00e4r no kennt brichte,
Doch fallt em aifach nyt mee Luschtigs yy.
\u201eWorum\u201c, so schimpft er, \u201eka me nit verzichte
Uf ai so Zeedel? S isch jo jeede glyych:
Verzellt mit neye V\u00e4rsli, alti Gschichte
Verkauft is alte Wyy in neye Schlyych\u201c.<\/p>\n\n\n\n

Bi so Gedangge findet iin kai Muuse,
Drum lescht er s Kerzli, loot sy Wyyglas zrugg,
Legt d Jaggen aa und goot in d Kelti uuse
Em Rhy noo und denn iber d Wettstaibrugg.
En yysig kalte Wind het en empfange,
Won er bim neye Kunschtmuseum stoot.
Er zieht der Kopf yy und isch wytergange
Dur d Rittergass, und heert, wie s Zwelfi schloot.<\/p>\n\n\n\n

Bim Gryzgang gseet der Haiggi ebber renne:
Huscht dert dur s Gitter nit e Gstalt dervoo?
Der Reformator, mues er denn erkenne,
Isch vo sym Sandstaisoggel aabekoo.
Und vor em Minschter gseet er mit Entsetze:
Der Hailig Kaiser Heinrich isch nimm doo.
Au d Kunigund, sy Frau, isch furt und jetze
Hett si s Pod\u00e4scht de Dyybli iberloo.<\/p>\n\n\n\n

\u201eLueg, stoot nit s Hauptportal e Sp\u00e4ltli offe?\u201c
Der Haiggi zwyyflet draa, das ka nit syy.
\u201eGseen y scho Gaischter oder bin y bsoffe?\u201c
Voll Wunderfitz schlupft \u00e4r zer Diiren yy.<\/p>\n\n\n\n

Im dunggle Hauptschiff drifft er e Versammlig:
Vyyl hundert Gstalte hoggen in de B\u00e4ngg.
Si schyyne staialt, grau und eenter gammlig
Und gl\u00e4bbere mit iire Gnochegl\u00e4ngg.
Jetz schleppt sich ain vo d\u00e4ne Schattegstalte
Mit Mie uf d Kanzle, won e Pfunzle brennt.
Erasmus haisst er, und er isch en alte
Und gscheite Maa, wo jede Basler kennt.
Mit glaarer Stimm foot \u00e4r aa referiere
Ladyynisch und uf Dytsch, me soll s verstoo.
Sogar uf Griechisch heert men en doziere:
Ergl\u00e4\u00e4rt, worum er Basel wott verloo.<\/p>\n\n\n\n

“W\u00e4rts consilium, liebi patres,
Liebi Schweschtere et fratres,
Hochvereerti professores,
Gleerti, Kinschtler et lectores,
Humanischte, Alchemischte,
Verleeger, Drugger, Komponischte 
Minschterbauer und Jurischte
Dichter, D\u00e4ngger und so wyter
S stoot um unser Basel schyter!
D Region, wo ainzig uf der W\u00e4lt isch
Als Ort, wo Kunscht, Kultur und Wisse,
und s Drummle wichtiger als G\u00e4ld isch,
Wird vo alle Syte bschisse.
Si wird regiert von e baar Naare
Wo, wel si nit an d Zuekumft d\u00e4ngge,
Lyychtsinnig an der Bildig spaare
Und wo sich s\u00e4lber s G\u00e4ld w\u00e4nn sch\u00e4ngge.\u201c
\u201eCollegae,\u201c frogt er denn rhetorisch,
\u201eW\u00e4nner wirgglig z Basel blyybe,
Wo kain me, wenn das wirgglig woor isch,
Ka faadegraad si Namme schryybe?
Mir alli sin die guete Gaischter
Humanitas et gloria
Doctores h.c., alti Maischter
Vo d\u00e4re Stadt, verdooria!
Drum w\u00e4mmer, no hit z Nacht verschwinde,
Mer n\u00e4mmen alli Wyyshait mit.
Denn kenne si e Uni grinde,
Wo s Cumulus statt Bildig git.” <\/p>\n\n\n\n

Uf aimool heert me, wie im letschte Rang
Ain lyysilig aafoot singe.
Und glyy scho loot e dumpfe Gsang
S romanisch Gwelb erklinge:
\u201eZ Basel an mym Rhyy ka me nimme syy
Do bestimme Sachverwalter,
Batzeglemmer, R\u00e4pplispalter
In d\u00e4m Basel, w\u00e4mmer nimme syy!\u201c<\/p>\n\n\n\n

Wo s Ains schloot, isch der Reedner w\u00e4gg,
Im Kircheschiff isch s finschter.
Der Haiggi stoot, kalkwyss vor Schr\u00e4gg
Elai im l\u00e4\u00e4re Minschter.
Wien \u00e4r no haimkoo isch ins Bett,
D\u00e4 guet Maa waiss es nimme.
Am Morge d\u00e4nggt er sich, er het
E Draum gha, ganz e schlimme.<\/p>\n\n\n\n

Und won er sich e Kaffi macht,
(Der dritt scho an d\u00e4m Daag,
Das mues halt syy no d\u00e4\u00e4re Nacht),
Do drifft en fascht der Schlag:
Sy Zytig bringt e Sensation
Grad uf der eerschte Syte
Und niemer in der Redaggtion
Waiss, was si kennt bedyte:
Vom Minschter syyg, ganz ooni Grund,
Der Schutzpatron verschwunde
Mit syyner Frau, der Kunigund
Me haig si nimme gfunde!
\u2026<\/p>\n\n\n\n

Kunnt e Gaischterzug im Dunggle
Dert am G\u00e4msb\u00e4rg um der Egge
Mit Auge, wo bedroolig funggle,
Kai Angscht, s sin numme d Birewegge.<\/p>\n\n\n\n

Lad\u00e4\u00e4rne luege ka me vor em Minschter
vom M\u00e4ntigzoobe bis am Mittwuchmorge.
Und wenn si mit Liebi gmoolt sin und scheen
lyychte, ka s syy, dass au der Kaiser Heinrich und 
d Kaiserin Kunigunde wider an iirem Bl\u00e4tzli steen.<\/p>\n","protected":false},"excerpt":{"rendered":"

Sin mir vo alle guete Gaischter verloo? Spoot in der Nacht, der Haiggi isch am DichteBi Wienachtsgutzi, Kerzeliecht und Wyy.Er…<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"footnotes":""},"class_list":["post-158","page","type-page","status-publish","hentry"],"jetpack_sharing_enabled":true,"_links":{"self":[{"href":"https:\/\/birewegge.com\/index.php?rest_route=\/wp\/v2\/pages\/158","targetHints":{"allow":["GET"]}}],"collection":[{"href":"https:\/\/birewegge.com\/index.php?rest_route=\/wp\/v2\/pages"}],"about":[{"href":"https:\/\/birewegge.com\/index.php?rest_route=\/wp\/v2\/types\/page"}],"author":[{"embeddable":true,"href":"https:\/\/birewegge.com\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/birewegge.com\/index.php?rest_route=%2Fwp%2Fv2%2Fcomments&post=158"}],"version-history":[{"count":2,"href":"https:\/\/birewegge.com\/index.php?rest_route=\/wp\/v2\/pages\/158\/revisions"}],"predecessor-version":[{"id":515,"href":"https:\/\/birewegge.com\/index.php?rest_route=\/wp\/v2\/pages\/158\/revisions\/515"}],"wp:attachment":[{"href":"https:\/\/birewegge.com\/index.php?rest_route=%2Fwp%2Fv2%2Fmedia&parent=158"}],"curies":[{"name":"wp","href":"https:\/\/api.w.org\/{rel}","templated":true}]}}