{"id":177,"date":"2020-08-18T16:24:11","date_gmt":"2020-08-18T16:24:11","guid":{"rendered":"http:\/\/birewegge.com\/?page_id=177"},"modified":"2022-01-31T12:49:22","modified_gmt":"2022-01-31T12:49:22","slug":"2015-2","status":"publish","type":"page","link":"https:\/\/birewegge.com\/?page_id=177","title":{"rendered":"2015"},"content":{"rendered":"\n
\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n<\/figure>\n\n\n\n

BASEL OONI HAASE<\/p>\n\n\n\n

E Helge zaigt e Buebeziigli, wo in finschtrer Nacht
Bim G\u00e4ssle vor em Ch\u00e2teau Lapin ainsam Fasnacht macht.
En Alti luegt zem F\u00e4nschter uus, si wott jetz \u00e4ndlig Rue
Und d Baiz ligt ganz im Dunggel, offesichtlig isch si zue.
Das het der Niggi Steggli gmoolt, vor iber nynzig Joor
Und ainew\u00e4g kunnt uns die Szene fascht prophetisch vor.
Schynt s nit, me gs\u00e4\u00e4ch der Fasnacht iiri Zuekunft uf d\u00e4m Bild?
Nyt isch, mer mache jetz e Themew\u00e4ggsel: Alles halb so wild!<\/p>\n\n\n\n

Kenne Sii der Oschterhaas? Mir mache grad e Wett,
Ass jede, wo jetz schreyt: \u201eHe joo!\u201c, no nie ain droffe het.
Und frogt me, ob das frindlig Dier au kennt e Kingel syy,
Denn git s e Riisediskussion. Mir mischen is nid yy.<\/p>\n\n\n\n

Haas und Kingel sin nid s glyych, dasch allgemain bekannt.
Doch bi alle Unterschiid: die baide sin verwandt.
Waiche Pelz und scharfi Zeen e flyssig Schnuppern\u00e4\u00e4sli
Kurzes Schw\u00e4nzli, langi Bai h\u00e4nn d Kingeli wie d H\u00e4\u00e4sli.
D Aigenart vo d\u00e4ne zwai, kennt m\u00e4nge nit so gnau.
Baidi renne gschwind und langi Oore h\u00e4n si au.<\/p>\n\n\n\n

\u201eDas hett jo\u201c, rieft der Obmaa gstresst, \u201e mit Fasnacht gar nyt z due.
Drum leend mit eyrem Haasezyyg mi gopfridstutz in Rue!
Mir sotten is vo Politik und Stadtgschicht sich lo beriere;
Drum gang y morn ins Staatsarchiv go Dokum\u00e4nt studiere.\u201c<\/p>\n\n\n\n

Und scho am n\u00e4ggschte Vormidaag baant d Sensation sich aa.
Der Obmaa schrybt em Dichter stolz: \u201eLueg was y gfunde ha!
In Basel gits e glaini Strooss, si haisst der Haaseb\u00e4rg,
Dert stoot e Kalkstaibrunnedroog, e bsunders br\u00e4chtig W\u00e4rgg,
Und uf em Stogg hoggt stolz e Haas, us Bronzen isch er gosse,
E Louis Buurget haig en gmacht; sunscht haig d\u00e4 Haase gschosse.
Grad dert, wo s\u00e4lle Brunne stoot, und bis an Birsig unde
Syg s Landguet gsi Zer Haaseburg, das isch scho lang verschwunde.\u201c<\/p>\n\n\n\n

Da s\u00e4ltsam Namme irritiert: E Burg baut sich kai Haas.
D\u00e4 macht sich, wenn der Fuchs kunnt, glai und druggt sich still ins Gras.<\/p>\n\n\n\n

\u201eIm Mittelalter het s no mee so Haaseburge g\u00e4,\u201c
Hett unsre Obmaa kenne alte Dokum\u00e4nt entn\u00e4\u00e4.
\u201eAm Haib\u00e4rg, in der Dalbe, in der Aesche, lengscht verg\u00e4sse,
Het s Hyyser g\u00e4\u00e4, die haigen au d\u00e4 gschp\u00e4ssig Namme bs\u00e4sse.
Und fascht sit siibehundert Joor\u201c, so fasst er denne z\u00e4mme,
\u201eGit s in der Schnyydergass e Huus, das drait sogar vier N\u00e4mme:
Uff Hochdytsch liist me, Hasenburg, Franzeesisch Kingelschloss:
Le Ch\u00e2teau Lapin, ganz korr\u00e4ggt\u201c erkl\u00e4rt der Cliqueboss.
\u201eUf Baseldytsch haisst s Haaseburg, mir saagen aifach d Haase,
Au wenn dert eender grieni Hind als Haase duureraase.\u201c<\/p>\n\n\n\n

E jede waiss, ass d Haase n\u00e4bem Imberg\u00e4ssli stoot,
Z mitts in der Stadt, grad dert, wo s H\u00e4rz vo unsrer Fasnacht schloot.
Vyyl Joor isch d Haase als Lokal fir alli Gsellschaftsschichte
Beriehmt gsi z Basel fir Skandal- und andri Raibergschichte.<\/p>\n\n\n\n

Bizyte het der Schaggi dert si erschte B\u00e4cher gl\u00e4\u00e4rt,
Bevor er denn an d Arbet isch am Gmiesstand uf em M\u00e4rt.
Zem Znyyni gseet me d Stroossewischer gschwind e Groosses schnabbe,
Bim ballon d\u2019 Alg\u00e9rie d Stud\u00e4nte mit und ooni Kappe.
Und wenn s vom Roothuus Zwelfi schloot, wott kain zem \u00c4sse z schpoot syy
Ob Grampfer ob Regierigsroot, ob Liberal ob Sozi.<\/p>\n\n\n\n

Und fascht an jedem Oobe het sich d Kinschtlerszene droffe.
S isch graaglet voll, me diskutiert, me lacht und alli hoffe,
Dass alles \u00e4ndlig besseret, entwirft e neyi W\u00e4lt,
Mit schw\u00e4rer Zunge, grossem Durscht und zimlig weeni G\u00e4ld.
Nadyrlig rauchen ooni Filter alli Gauloises blau
Mit g\u00e4\u00e4le Finger, g\u00e4\u00e4le Zeen und d Luft isch digg und grau.<\/p>\n\n\n\n

Me bschtellt e Liter Roote z viert, drzue e Wurschtsalat, garniert.
Glyy isch me driber informiert, was alles uf der W\u00e4lt passiert.
Der Wirt het d L\u00e4\u00e4berli tranchiert, die beschti Reeschti produziert,
Sy Frau het d Bschtellige notiert, het au e bitzli intrigiert,
Mit Flyss serviert, drno kassiert, kurzum: die Spunte het rentiert.<\/p>\n\n\n\n

Doch laider gits vo d\u00e4m Lokal au iibli Sache z brichte:
Vo Spekulantetum, vo Gyt und dunggle, beese Gschichte,
Vo Striggverbott und vo Boykott, vo Grichtsf\u00e4ll und Intrige.
Will mer jetz aber Fasnacht h\u00e4nn, w\u00e4nn mir do driber schwyyge.<\/p>\n\n\n\n

Aber grad fir d Fasnacht drifft e schlimmi Nooricht yy.
D Haaseburg isch zue und wird s vilicht fir immer syy.
Aine git em andre d Schuld fir die verpfuschti Planig
Und me wirft enander vor, me haigi halt kai Aanig.
Het der Niggi Steggli mit sim Helge z letscht no r\u00e4cht?
Denne stieng s um d Traditione z Basel eender schl\u00e4cht!<\/p>\n\n\n\n

Wotsch no n em G\u00e4ssle ebbbis \u00e4sse
In der Haase? Kasch verg\u00e4sse!
Loo der en Oschterai lo schmegge;
Scheeni Fasnacht, d Birewegge!<\/p>\n","protected":false},"excerpt":{"rendered":"

BASEL OONI HAASE E Helge zaigt e Buebeziigli, wo in finschtrer NachtBim G\u00e4ssle vor em Ch\u00e2teau Lapin ainsam Fasnacht macht.En…<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"footnotes":""},"class_list":["post-177","page","type-page","status-publish","hentry"],"jetpack_sharing_enabled":true,"_links":{"self":[{"href":"https:\/\/birewegge.com\/index.php?rest_route=\/wp\/v2\/pages\/177","targetHints":{"allow":["GET"]}}],"collection":[{"href":"https:\/\/birewegge.com\/index.php?rest_route=\/wp\/v2\/pages"}],"about":[{"href":"https:\/\/birewegge.com\/index.php?rest_route=\/wp\/v2\/types\/page"}],"author":[{"embeddable":true,"href":"https:\/\/birewegge.com\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/birewegge.com\/index.php?rest_route=%2Fwp%2Fv2%2Fcomments&post=177"}],"version-history":[{"count":2,"href":"https:\/\/birewegge.com\/index.php?rest_route=\/wp\/v2\/pages\/177\/revisions"}],"predecessor-version":[{"id":516,"href":"https:\/\/birewegge.com\/index.php?rest_route=\/wp\/v2\/pages\/177\/revisions\/516"}],"wp:attachment":[{"href":"https:\/\/birewegge.com\/index.php?rest_route=%2Fwp%2Fv2%2Fmedia&parent=177"}],"curies":[{"name":"wp","href":"https:\/\/api.w.org\/{rel}","templated":true}]}}