{"id":521,"date":"2022-03-14T18:28:15","date_gmt":"2022-03-14T18:28:15","guid":{"rendered":"http:\/\/birewegge.com\/?page_id=521"},"modified":"2025-08-08T13:17:06","modified_gmt":"2025-08-08T13:17:06","slug":"fasnacht-2022","status":"publish","type":"page","link":"https:\/\/birewegge.com\/?page_id=521","title":{"rendered":"Fasnacht 2022"},"content":{"rendered":"\n
\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n\n\n\n
\"\"<\/figure>\n<\/figure>\n\n\n\n

Prolog<\/strong><\/p>\n\n\n\n

Fascht hundert Joor lang het d Prinz\u00e4ssin miesse schloofe,
E beesi H\u00e4x wott si fir iri Scheenhait stroofe.
Im Keenigsschloss steen d Uure still, es git kai Zyt me,
Nur Doornegschtrych isch gwaggse, sunscht bewegt sich nyt me.
Der Fasnacht isch s vor zwai Joor \u00e4\u00e4nlig dr\u00e4ggig gange,
D Drummle sin gschr\u00e4nggt und d Gosdchdym h\u00e4ngge an der Stange,
Me isch parat gsi, frait sich uf der Morgeschtraich,
Do wird si abgsait – uus und fertig – son e Fruscht.
Der Fasnachtszeedel, wo mir synerzyt h\u00e4n welle
Verdaile, h\u00e4tt eych kenne hochbrisants verzelle,
Unglaubligs und politischs h\u00e4tt d\u00e4 Zeedel brichtet;
Mer h\u00e4n en bindlet und als Alpapyyr vernichtet.
Wo d Keenigsdochter \u00e4ndlig iri Augen uffmacht
Und wo d Frau Fasnacht wider us em Diefschloof uffwacht,
Wird baide klar, s isch alles no bim Alte bliibe,
Drum h\u00e4nn mer au der glyychi Zeedel noomool gschriibe.<\/p>\n\n\n\n

D Elsbeete \u2013 zem Eerschte 2020 <\/strong>
zem Zwaite 2021, zem Dritte 2022<\/strong><\/p>\n\n\n\n

Der Christoph Meeriaa sait zue der Margarete:
\u00abI mach mer schw\u00e4\u00e4ri Soorge, Grittli, um d Elsbeete
Der Stai verwitteret, es hoggt mer in de Gnoche,
Grad geschter isch am Duurm e gosses Stigg abbroche.
My ganzes L\u00e4\u00e4be lang bin i e fromme Chrischt gsi,
Als Gsch\u00e4ftsmaa bin i aber au e Realischt gsi.
Drum glaub i, dass mer is vom Gotteshuus mien drenne,
Wenn d Basler Kirche d Hypothek nimm zaale kenne.
Mir h\u00e4n is d\u00e4nggt, wo mer no gl\u00e4bt h\u00e4n uff der \u00c4rde,
D Elsbeete sotti unser Mausoleum w\u00e4rde,
I main, mer kennte der Verluscht ganz guet verlyyde,
Uff unsre Greeber steen jo schliesslig Pyramide.\u00bb<\/p>\n\n\n\n

E Gricht goot um in unsre Gasse:
D Elsbeetekirche, saage d Lyt,
Well nimme so ins Stadtbild basse
Und au nid r\u00e4cht in unsri Zyt.
Wil d Keschte us em Rueder laufe,
Haig s Inveschtiere weenig Sinn.
Drum well me d Baustell jetz verkaufe,
Guet baslerisch, mit r\u00e4chtem Gwinn.<\/em><\/p>\n\n\n\n

Scho glyy het me en Aazaig formuliert
Und w\u00e4ltwyt in de Medie inseriert:<\/p>\n\n\n\n

D Elsbeetekirche, butzt und dekoriert,
W\u00e4rd an solv\u00e4nti Bieter offeriert.
D\u00e4m, wo der Zueschlaag haig, w\u00e4rd gratuliert,
Grad no em Unterschryybe w\u00e4rd kassiert,
Zem Abschluss L\u00e4ggerli und wysse Wyy serviert.
Scho d Wuche druff w\u00e4rd d Kirche demontiert,
E jeede Arbetsschritt protokolliert,
Fachm\u00e4nnisch alti Sch\u00e4de repariert.
Der hinderscht Stai w\u00e4rd digitalisiert,
Fotografiert und duurenummeriert,
In Schachtle yypaggt, suuber palettiert,
Gschwind zollfrey uff em Dreyspitz deponiert,
Und w\u00e4ltwyt bis an d Diire transportiert.
E Biechli g\u00e4b s derzue, ryych illustriert,
Wo Schritt fir Schritt der Neybau instruiert.
Fir Frooge sig e Hotline installiert.
W\u00e4r Inter\u00e4sse haig, soll sofort reagiere,
S Proj\u00e4ggt mit Bilder und mit Bl\u00e4\u00e4n dokumentiere,
In kurze Wort, das wo me mache well, beschryybe.
Haig me der Stutz nid uf de Hyffe, liess me s blyybe!<\/p>\n\n\n\n

D Annonce het e riisegrosse Aaglang gfunde;
S erscht Aagebot landet im Roothuus innert Stunde.<\/p>\n\n\n\n

<\/p>\n\n\n\n

Us Argentinie kunnt e Mail vom Don Ram\u00f3n
\u00abIo quiero realmente la reconstrucci\u00f3n!\u00bb
Zmitts in der Pampa soll die Kirche uffgstellt w\u00e4rde
Als Stall vo Bethlehem bi myne Rinderh\u00e4rde
Illuminiert und aagmoolt, s kunnt nid uff d Million aa.
\u00abViva l \u0301lglesia Sagrada Maradona!\u00bb<\/p>\n\n\n\n

Der Emir Selim Ali Baba suecht e Woonig.
Gnue Blatz fir sini Fraue gfunde het er noonig.
Er losst d Elsbeete provisorisch reserviere,
Denn h\u00e4tt er weenigschtens e Garasch zem parkiere.<\/p>\n\n\n\n

E Pizzaiolo bringt e Briefli us Camini
Er isch an aim Stigg gfaare in sim Lamborghini
\u00abMir w\u00e4nn d\u00e4 Staibruch per lavare la moneta,
Tanti saluti, la Famiglia `Ndrangheta.
Mer zaale, ooni Quittig, quindici millioni,
Die eerschte fimf uff d Hand, der R\u00e4scht in panettoni\u00bb.<\/p>\n\n\n\n

Me kennt no dausig Byspil bringe
Vo Banggier, Firschte – Frau und Maa –
Vo Popstars, wo nimm meege singe
Vo Eerbe, Glanz und Gloria
Im Grund gnoo sin si alli glyych:
Ytel, beschr\u00e4nggtt, saum\u00e4ssig ryych.
Si sin mit Aaw\u00e4lt und Berooter,
Mit Boys und scheene Fraue ko
Und guet bewacht vo s\u00e4chzig Schroter
Gseet me si in d Elsbeete go.
Au promin\u00e4nti Basler Gstalte
Sin doo, gwiss hundert oder mee,
Der Kircheroot, mit Kummerfalte,
D Regierig kunnt in corpore.<\/p>\n\n\n\n

Zeerscht redt der Groosrootsbresid\u00e4nt,
Denn orgelet e Bach-Choral,
Der Pfarrer isch im Elem\u00e4nt,
Em Publikum isch das egal.
S isch numme wichtig, w\u00e4r wird biete,
Wenn s loosgoot mit der groosse Gant,
W\u00e4r blybt derbyy, w\u00e4r isch e Niete?
Der Glotz isch s ainzig interessant.
\u00c4ndlig kunnt d Attraktion vom Oobe,
Es git e hailloos Duurenand.
Die ainte schreye, biete, tobe,
Die andre lipfe numme d Hand.
No kurzer Zyt isch alles umme,
Uff s Mool g\u00e4n alli Bieter Rue,
Denn botte isch e Riisesumme,
Wo alli wisse: \u00abJetz isch gnue!\u00bb<\/p>\n\n\n\n

Do rieft der Gantbeamti stolz:
\u00abZem Eerschte\u00bb, loot der Hammer falle,
\u00abZem Zwaite\u00bb schreyt er, haut uff s Holz,
Me heert der Schall im Saal verhalle.
Zem dritte Mool, hebt er der Hammer,
Jetz bietet sicher kaine mee.
Die Eerschte paggt der Katzejammer:
Grad isch es um d Elsbeete gschee!<\/p>\n\n\n\n

Uff ai Schlaag isch der Ruum verdungglet,
S wird dootestill und yysig kalt,
Numme en ainzig Kerzli fungglet,
Es lyychtet uff e blaichi Gstalt.
Kalkwyss im Gsicht, in Lyynef\u00e4tze
Stoot si im Chor vom Kircheruum,
Mit l\u00e4\u00e4rem Bligg foot si aa schw\u00e4tze,
Und lyyser Stimm, me heert sy kuum:<\/p>\n\n\n\n

\u00abMy Maa und ych h\u00e4n in der Gruft
Dief under d\u00e4re Kirche unde,
Wo s dischter isch und stiggig d Luft,
Vor luter Eerger d Rue nimm gfunde.
Der Ungaischt vo der Zyt regiert;
D Kultur isch uff der Streggi bliibe.
Der Christoph h\u00e4tt scho resigniert,
Mii het my Wuet do uffe driibe.
H\u00e4nd iir denn us der Gschicht nyt gleert
Iir jeemerlige Rappespalter?
Die scheeni Stadt isch glyy zersteert
Vo myyserable Sachverwalter.
Sin iir au arm wie Kirchemyys,
Isch eyre Gyz am \u00c4nd fir d Katz,
Iir gsch\u00e4ftet uff die glyychi Wyys
Wie syynerzyt bim Minschterschatz.
D Stadt Basel bringet iir in Gfoor,
Wenn iir si w\u00e4nnd verquante.
W\u00e4nn er vilicht no s Spaledoor
Oder der Rhy vergante?
Versch\u00e4rbelet doch s Wildt\u2019sche Huus
Und zleschem\u00e4nd no s Minschter ….\u201c
Do bloost e Windstoss s Kerzli uus,
Im Kircheschiff isch s finschter.<\/em><\/p>\n\n\n\n

Wo s Liecht aagoot, isch d Kirche l\u00e4\u00e4r,
In h\u00e4ller Panik isch me gflichtet
Und wenn d\u00e4 Zeedel doo nit w\u00e4r,
H\u00e4tt niemer vo d\u00e4m Vorfall brichtet.
Mer w\u00e4nn jo d Wooret nid verstegge,
Hasta la vista, d Birewegge!<\/p>\n\n\n\n

Z letscht kunnt e B-Boscht Brief us H\u00e4felfinge:
\u00abDir d\u00f6\u00f6rfet eue Bausatz g\u00e4rn do uufe bringe.
E Chilche feelt eus no, die ch\u00f6nnt eus intressiere,
Voruusgsetzt s ganz Proj\u00e4kt w\u00fc\u00fcrd Basel finanziere.\u00bb<\/p>\n","protected":false},"excerpt":{"rendered":"

Prolog Fascht hundert Joor lang het d Prinz\u00e4ssin miesse schloofe,E beesi H\u00e4x wott si fir iri Scheenhait stroofe.Im Keenigsschloss steen…<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"footnotes":""},"class_list":["post-521","page","type-page","status-publish","hentry"],"jetpack_sharing_enabled":true,"_links":{"self":[{"href":"https:\/\/birewegge.com\/index.php?rest_route=\/wp\/v2\/pages\/521","targetHints":{"allow":["GET"]}}],"collection":[{"href":"https:\/\/birewegge.com\/index.php?rest_route=\/wp\/v2\/pages"}],"about":[{"href":"https:\/\/birewegge.com\/index.php?rest_route=\/wp\/v2\/types\/page"}],"author":[{"embeddable":true,"href":"https:\/\/birewegge.com\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/birewegge.com\/index.php?rest_route=%2Fwp%2Fv2%2Fcomments&post=521"}],"version-history":[{"count":4,"href":"https:\/\/birewegge.com\/index.php?rest_route=\/wp\/v2\/pages\/521\/revisions"}],"predecessor-version":[{"id":554,"href":"https:\/\/birewegge.com\/index.php?rest_route=\/wp\/v2\/pages\/521\/revisions\/554"}],"wp:attachment":[{"href":"https:\/\/birewegge.com\/index.php?rest_route=%2Fwp%2Fv2%2Fmedia&parent=521"}],"curies":[{"name":"wp","href":"https:\/\/api.w.org\/{rel}","templated":true}]}}